Barcelona po përjeton një ndryshim të fortë në hierarkinë e dhomës së zhveshjes, pas largimeve të Araújos, Ter Stegenit dhe Lewandowskit, si dhe situatës së komplikuar të Frenkie de Jong.
Raphinha dhe Pedri janë tashmë dy nga figurat kryesore të skuadrës dhe pritet të mbajnë një rol edhe më të rëndësishëm si kapitenë.
Raphinha konsiderohet një nga njerëzit më të besuar të Hansi Flick dhe një nga zërat më të fortë brenda grupit, ndërsa Pedri ka marrë gjithnjë e më shumë përgjegjësi edhe jashtë fushës.
Për dy vendet e tjera të kapitenëve, Eric Garcia shihet si kandidati kryesor, ndërsa Gavi është gjithashtu në garë. Edhe Cubarsí po fiton gjithnjë e më shumë peshë brenda skuadrës.
Në planin e eksperiencës, Flick dhe Deco vlerësojnë shumë Szczesnyn, ndërsa nëse Rodri transferohet te Barcelona, ai pritet të marrë menjëherë një rol të rëndësishëm në hierarkinë e ekipit.
