Miami është shndërruar në kandidatin kryesor për të organizuar Superkupën e Spanjës 2027, pasi Arabia Saudite pritet të mos jetë e disponueshme për shkak të përplasjes së datave me Kupën e Azisë.
Sipas “AS”, Federata Spanjolle po shqyrton disa alternativa, me Miamin në krye të listës, të ndjekur nga Stambolli dhe Katari. Vendimi përfundimtar pritet të diskutohet javën e ardhshme.
Barcelona, Real Madridi, Atlético Madridi dhe Real Sociedad janë informuar për të gjitha zhvillimet rreth organizimit të turneut.
Formati do të mbetet me katër skuadra. Real Sociedad do të përballet me Real Madridin, ndërsa Barcelona do të luajë ndaj Atlético Madridit për një vend në finale.
