Gazetari Nicolo Schira raporton se Galatasaray është në negociata për transferimin e mbrojtësit të kombëtares shqiptare, Ardian Ismajli.
Ismajli konsiderohet si zëvendësues i mundshëm për Victor Nelsson, danezi i cili ka vendosur të kalojë te Roma në kampionatin italian. Ky i fundit ka qenë lojtar kryesor dhe vendi bosh nuk plotësohet lehtë, por eksperienca e Ismajlit do të ishte garanci për ekipin turk.
Ismajli luan tek Empoli dhe ka fituar simpatinë e shumë skuadrave italiane. Si një lojtar që nuk ankohet kurrë dhe rrallë bën gabime, mbrojtësi kuqezi ka përpara edhe një shans tjetër për të siguruar një kontratë të majme.
