Në një kohë kur çështja e Aeroportit të Vlorës rrezikon që të përfundojë në arbitrazh pas njoftimit të qeverisë shqiptare se kanë nisur procedurat për anulimin e kontratës koncesionare të Aeroportit, biznesmeni Behgjet Pacolli ka ardhur me një tjetër reagim.
Kësaj here jo me një paralajmërim për masat që ai do të ndërmarrë, por me një mesazh reflektues dhe një këshillë për të gjithë ndjekësit e tij.
“Mos e lini errësirën e disa njerëzve t’ju shuajë dritën që mbani brenda vetes”, shkruan Pacolli ndër të tjera.
Ky mesazh vjen në një moment kur emri i tij është sërish në qendër të vëmendjes për zhvillimet që lidhen me projektin e Aeroportit të Vlorës. Megjithatë, në vend të komenteve mbi situatën, Pacolli ka zgjedhur këtë herë të vijë me një këshillë për rëndësinë e ruajtjtes së vlerave dhe mirësisë, pavarësisht sfidave apo sjelljes së personave të tjerë.
Postimi i plotë i Pacollit:
Mos e lini errësirën e disa njerëzve t’ju shuajë dritën që mbani brenda vetes.
Miqt e mi të shtrenjtë, jetën e kam kuptuar prej kohësh. Në këtë botë gjithmonë do të ketë mashtrim, hipokrizi, padrejtësi dhe njerëz që nuk ta kthejnë të mirën me të mirë. Asnjëher nuk kam humbur kohë duke kërkuar një botë utopike, sepse ajo nuk ekziston këtu.
Prandaj, mos lejoni që mosmirënjohja t’ju ndryshojë. Mos lejoni që zhgënjimet t’ju bëjnë koprracë në mirësi, t’ju mbyllin zemrën apo t’ju largojnë nga vlerat që ju përfaqësojnë.
Duhet të të vazhdoni të bëni mirë, edhe kur nuk merrni duartrokitje. E mira nuk e merr vlerën nga reagimi i njerëzve, por nga pastërtia e qëllimit me të cilin është bërë. Ka një drejtësi më të madhe se gjykimi i njerëzve dhe një qëllim shumë më të lartë se lavdërimi i tyre.
