Një aksident tragjik ka ndodhur mbrëmjen e sotme në fshatin Fan të Mirditës.
Sipas Policisë, rreth orës 20:00, ka dalë nga autostrada një motomjet që drejtohej nga shtetasi me inicialet L. D., 38-vjeç nga Kosova.
I aksidentuari thuhet se është dërguar në spitalin e Mirditës, por për fat të keq nuk ka mundur t’i mbijetojë plagëve të marra.
Njoftimi i policisë:
Mirditë/Informacion paraprak
Rreth orës 20:00, në autostradë, në afërsi të fshatit Fan, Mirditë, shtetasi kosovar me iniciale L. D., 38 vjeç, duke drejtuar motomjetin e tij, dyshohet se ka humbur kontrollin mbi drejtimin e motomjetit dhe, për pasojë, ka dalë nga rruga.
Si pasojë e aksidentit, drejtuesi i motomjetit është transportuar për ndihmë mjekësore në Spitalin e Rrëshenit, ku, pavarësisht ndihmës së marrë, ka humbur jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
