Mohamed Salah ka surprizuar botën e futbollit duke zgjedhur Trabzonsporin pas përfundimit të kontratës me Liverpoolin. Sulmuesi egjiptian ka firmosur një marrëveshje dyvjeçare me klubin turk.
Pavarësisht ofertave nga Arabia Saudite dhe Shtetet e Bashkuara, prioriteti i 34-vjeçarit ishte të qëndronte në Europë dhe të vazhdonte të luante në kompeticionet e UEFA-s.
Trabzonspori i ofroi Salahut një rol qendror në projekt, një pagë të rëndësishme dhe përqindje nga shitja e produkteve me emrin e tij. Ai do të mbajë fanellën me numrin 10, të njëjtin numër që përdor me Egjiptin.
Klubi turk e sheh Salah si lojtarin rreth të cilit do të ndërtohet sulmi, por edhe si një figurë që do të rrisë ndjeshëm imazhin dhe të ardhurat e Trabzonsporit.
Edhe pse nuk ishte destinacioni që pritej, transferimi i jep Salahut mundësinë të konkurrojë për trofe, të luajë në Europë dhe të bëhet lideri i padiskutueshëm i një prej klubeve më historike të Turqisë.
