Dy vëllezër, Sabri Velaj dhe Novrus Velaj u gjetën të vdekur në shtëpi në Mallakastër. Jetonin të vetëm, tha policia duke shtuar se nuk dyshohet për ngjarje kriminale. Një nga banorët e fshatit Çorrush, Ismet Zenelaj foli për mediat.
“Më lajmëruan se një prej gjitonëve të të moshuarve e ka njoftuar se prej një jave nuk i kanë parë të dy vëllezërit, ndaj erdha menjëherë për të parë nga afër situatën. Dera ishte e mbyllur dhe mora një shkallë ku munda të shoh nga dritarja.
Njëri prej tyre kishte rënë në mes të korridorit, ndërsa tjetri paksa i zhveshur, por nuk arrita t’i dalloj mirë. Të dy vëllezërit jetonin të vetëm me pensionet e pleqërisë. Era e trupave ndihet edhe jashtë banesës”, tha ai.
