Një apartament në një pallat në Golem është përfshirë nga flakët, duke shkaktuar panik te banorët e zonës.
Ngjarja ndodhi reth orës 20:30, në katin e 9-të të një pallati, në zonën e Shkëmbit të Kavajës. Menjëherë pas marrjes së njoftimit, në vendngjarje kanë shkuar shërbimet e Policisë dhe të MZSH-së.
Sipas të dhënave paraprake, 6 shtetas janë transportuar në spital për të marrë ndihmë mjekësore, pasi kanë shfaqur vështirësi në frymëmarrje si pasojë e tymit.
Grupi hetimor vijon punën për sqarimin e plotë të rrethanave dhe përcaktimin e shkakut të rënies së zjarrit.
