Vijojnë ende kërkimet për gjetjen e minatorit Ilir Kalavari, i cili dyshohet se një ditë më parë ra në një furnelë dhe u mbulua nga kromi në malin e Tërnovës, në Bulqizë.
Aksidenti i rëndë ndodhi mesditën e së shtunës, teksa 40-vjeçari nga Burreli i punësuar si minator në një subjektin privat “Eternal Security” – me pronarë Lahim Gjikën dhe Halil Gjikën -ra në furnelë gjatë procesit të punës.
Grupet e kërkim-shpëtimit dhe shërbimet e Policisë prej orësh po vijojnë operacionin për lokalizimin dhe nxjerrjen e tij.
Deri në këto momente, autoritetet nuk kanë konfirmuar ende nëse minatori i bllokuar është gjallë apo ka humbur jetën.
