Donald Trump pranoi këtë të diel se tarifat që ai vendosi dje, duke shkaktuar një luftë tregtare, “mund” të dëmtojnë amerikanët, por se do t’ia vlejnë çmimin”.“A do të ketë dhimbje? Po, ndoshta (dhe ndoshta jo). Por ne do ta rikthejmë Amerikën në madhështi , dhe do t’ia vlejë çmimit”, shkruan presidenti në faqen e tij në rrjetin social “Truth Social”.
Ky postim ka ardhur vetëm një ditë pasi u vendosën taksa të reja doganore ndaj Kanadasë, Meksikës dhe Kinës.
Përveç kësaj, Trump përsëriti propozimin e tij për ta bërë Kanadanë “shtetin e 51-të” të Shteteve të Bashkuara.
Duke folur për “subvencionet” amerikane, deficitin tregtar, ndaj Kanadasë, republikani deklaroi në rrjetin social Truth Social se “Kanadaja duhet të bëhet shteti ynë i dashur i 51-të”, i cili, sipas tij, do të parashikonte “tatime më të ulëta dhe mbrojtje ushtarake për kanadezët – DHE JO TARIFA.”
