Të paktën 60 persona u vranë dhe 168 u plagosën nga sulmet izraelite në zona të ndryshme të Libanit, njoftoi Ministria libaneze e Shëndetësisë të premten mbrëma.
Autoritetet libaneze regjistruan 57 sulme ajrore në pjesë të ndryshme të vendit, shumica e tyre pranë kufirit me Izraelin, në periferitë jugore të Bejrutit dhe në Luginën Bekaa (në lindje).
Sipas Ministrisë së Shëndetësisë libaneze, që nga fillimi i luftës në Gaza, një vit më parë, 2229 persona janë vrarë dhe 10380 janë plagosur në sulmet izraelite.
Për shkak të armiqësive midis ushtrisë izraelite dhe luftëtarëve të Hezbollahut, afërsisht 187,000 njerëz u detyruan të largoheshin nga shtëpitë e tyre dhe të kërkonin streha të sigurta në zona të tjera të Libanit, ndërsa 430,000 njerëz të tjerë të zhvendosur kaluan kufirin në Siri.
