Chelsea është pranë realizimit të një transferimi të bujshëm, duke siguruar shërbimet e ish-kapitenit të Liverpoolit, Jordan Henderson.
Sipas gazetarit të njohur Fabrizio Romano, të gjitha detajet e marrëveshjes janë dakordësuar plotësisht dhe transferimi ndodhet në fazën përfundimtare të procedurave.
Mesfushori anglez ka arritur marrëveshje me klubin londinez për të nënshkruar një kontratë dyvjeçare, e cila do ta mbajë në “Stamford Bridge” deri në qershor të vitit 2028. Firmosja zyrtare e kontratës pritet të bëhet më vonë gjatë kësaj jave.
Henderson është larguar nga Brentford, ku kaloi sezonin e fundit, dhe tashmë do t’i bashkohet Chelseat. Drejtuesit e klubit besojnë se eksperienca e tij do të jetë një vlerë e shtuar si në fushën e lojës, ashtu edhe në dhomat e zhveshjes.
Siç thekson Fabrizio Romano, informacioni ekskluziv i publikuar më herët gjatë kësaj jave është konfirmuar plotësisht dhe tashmë kanë mbetur vetëm formalitetet e fundit për finalizimin e transferimit të Jordan Henderson te Chelsea.
