Andrea Pirlo nuk pritet të marrë drejtimin e kombëtares italiane. Ish-mesfushori ka reaguar në rrjetet sociale, duke bërë të ditur se kandidatura e tij është përjashtuar pas polemikave për bashkëpunimin me kompaninë ruse të basteve, Fonbet.
“Mbrëmjen e kaluar mësova se nuk jam më kandidat për kombëtaren italiane”, shkroi Pirlo, i cili sqaroi se marrëveshja e tij me kompaninë ishte vetëm me karakter tregtar dhe sportiv.
Ai hodhi poshtë çdo interpretim politik të bashkëpunimit dhe falënderoi Paolo Maldinin dhe Leonardon për besimin e treguar.
“Dashuria ime për Italinë nuk varet nga një post. Është pjesë e historisë dhe identitetit tim dhe do të më shoqërojë gjithmonë”, shtoi Pirlo.
Ndërkohë, presidenti i Federatës Italiane, Giovanni Malagò, ka shqyrtuar dokumentet dhe marrëveshjet e trajnerit, duke kërkuar sqarime të plota përpara marrjes së një vendimi.
Kjo situatë ka vënë në vështirësi edhe Maldinin, i cili kishte mbështetur fuqishëm kandidaturën e Pirlos. Drejtuesit italianë do të zhvillojnë një tjetër takim për të zgjedhur trajnerin e ri, ndërsa Malagò ka paralajmëruar se emri mund të bëhet i ditur shumë shpejt.
