Qindra turistë dhe pushues u evakuuan nga deti në rajonin e Garganos, në jug të Italisë, pasi një zjarr i madh pyjor arriti deri pranë plazheve në zonën mes Peschicit dhe Viestes.
Roja Bregdetare përdori mjete lundruese për të larguar njerëzit nga bregu, ndërsa zjarrfikësit, avionët Canadair dhe ekipet e Mbrojtjes Civile po punojnë për vënien nën kontroll të flakëve, të favorizuara nga erërat e forta.
Zjarri ka shkaktuar gjithashtu mbyllje rrugësh dhe ndërprerje të transportit në zonë.
