Aymeric Laporte i është ofruar Barcelonës, por drejtuesit katalanas nuk kanë treguar interes konkret për transferimin e mbrojtësit të kombëtares spanjolle.
Sipas “Touchline”, arsyeja kryesore lidhet me mungesën e një klauzole lirimi që mund të aktivizohet lehtësisht. Barcelona beson se kjo do ta detyronte klubin të hynte në negociata të gjata dhe të komplikuara me Athletic Bilbaon.
Katalanasit nuk dëshirojnë të përsërisin situatën e krijuar me Nico Williams, transferimi i të cilit u zvarrit për një kohë të gjatë, por në fund nuk u realizua. Anësori vendosi të qëndronte në Bilbao dhe rinovoi kontratën deri në vitin 2035.
Raportimi bie ndesh me informacionet e publikuara më herët nga “Sport”, sipas të cilave Barcelona kishte kontaktuar përfaqësuesit e Laportes dhe çmimi i largimit të tij ishte më pak se 15 milionë euro.
Laporte u rikthye tek Athletic Bilbao nga Al-Nassr në shtator të vitit 2025 dhe ka kontratë deri në qershor të vitit 2028.
