Manchester City është klubi që ka përfituar më shumë nga Programi i Përfitimeve për Klubet i FIFA-s pas Kupës së Botës 2026.
Skuadra angleze kishte 19 futbollistë të angazhuar në turne dhe do të përfitojë mbi katër milionë euro. Për çdo ditë që një lojtar qëndronte në Botëror, klubi përfitonte rreth 5 mijë euro.
Mes emrave kryesorë të Cityt në turne ishin Rodri, kampion bote me Spanjën, Erling Haaland me Norvegjinë dhe Nico O’Reilly, i cili arriti deri në gjysmëfinale me Anglinë.
Pas Manchester Cityt renditet Barcelona me rreth 3.5 milionë euro, e ndjekur nga Bayern Munich me 3 milionë dhe Arsenali me 2.9 milionë euro. PSG dhe Atlético Madrid përfitojnë nga 2.8 milionë euro, ndërsa Real Madridi renditet i nënti me 2.2 milionë.
FIFA ka shpërndarë në total rreth 311 milionë euro, ndërsa klubet europiane kanë marrë 70 për qind të shumës. Manchester City kryeson këtë renditje për të tretin Botëror radhazi.
