Spanja është shpallur kampione bote për herë të dytë në histori dhe disa prej heronjve të kombëtares tashmë duhet të përmbushin premtimet e bëra para turneut.
Një prej tyre është Marc Cucurella. Mbrojtësi i ri i Real Madridit kishte deklaruar se, në rast triumfi, do të bënte tatuazh portretin e trajnerit Luis de la Fuente.
“Tani duhet të mendoj se ku do ta bëj tatuazhin e Luis de la Fuentes. Do ta vendos në një pjesë të dukshme. Do të mendohem gjatë fluturimit për në shtëpi”, u shpreh Cucurella pas finales.
Futbollisti madje pyeti ndjekësit e tij në Instagram nëse njihnin ndonjë tatuazhist, ndërsa nuk përjashtohet mundësia që ta prezantojë tatuazhin gjatë festimeve në rrugët e Madridit.
Megjithatë, një tjetër premtim i tij është bërë viral dhe tifozët po i kërkojnë të mos e mbajë.
“Nëse fitoj Kupën e Botës, të nesërmen do të telefonoj Luisin dhe do t’i them se tërhiqem nga kombëtarja. Të mos llogarisë më tek unë. Me një Kampionat Europian dhe një Kupë Bote nuk mund të kërkosh më shumë”, kishte deklaruar ai më herët për Movistar.
Pavarësisht premtimit, duket se Cucurella do të vazhdojë të jetë pjesë e Spanjës edhe për një kohë të gjatë.
