Sergio Ramos mund të jetë shumë afër një aventure të re në karrierën e tij të suksesshme. Pas disa muajsh pa ekip dhe stërvitje më vete, mbrojtësi veteran spanjoll është gati të nënshkruajë me Rayados de Monterrey.
Klubi meksikan është në negociata të avancuara për të mbyllur nënshkrimin e tij, një operacion që ka habitur një pjesë të mirë të botës së futbollit. Në moshën 38-vjeçare, Ramos mbetet një emër i madh në skenën ndërkombëtare.
Pas shkëlqimit te Real Madrid, aventurës te PSG-ja dhe rikthimin e tij të fundit te Sevilla, Ramos është gati për një aventurë të re, këtë herë larg Europës.
Largimi i tij nga skuadra andaluziane e la në një situatë të papritur, pa ekip prej muajsh dhe duke vlerësuar propozime të ndryshme për të vazhduar karrierën.
Vetë lojtari dhe klubi po e mbajnë shumë të fshehtë këtë çështje, por gjithçka tregon se marrëveshja është afër përfundimit. Nëse gjithçka shkon pas planit, tifozët e Rayados de Monterrey do të kenë mundësinë të shohin një nga mbrojtësit më emblematikë në futbollin spanjoll dhe europian të veshur me ngjyrat e tyre.
