Spanja është finalistja e parë e Botërorit 2026, pas triumfit 2-0 në përballjen e sotme ndaj Francës në gjysmëfinale.
Ndonëse “gjelat” konsideroheshin nga shumëkush si favoritë për të kaluar në finale, skuadra iberike dominoi sfidën dhe i dha fund ëndrrës franceze për titullin.
“Furia e Kuqe” kaloi në avantazh në minutën e 22-të me Mikel Oyarzabal, i cili u tregua i saktë nga pika e bardhë e penalltisë. Franca tentoi të reagojë, por gjeti pak hapësira në mbrojtjen spanjolle. Iberikët goditën në pjesën e dytë, me Pedro Porron që vulosi fitoren në minutën e 58-të.
Me këtë sukses, Spanja siguron një vend në finalen e madhe të Botërorit, ndërsa Franca largohet mes zhgënjimit, pavarësisht statusit të pretendentes për trofeun.
Finalistja e dytë do të përcaktohet në gjysmëfinalen e së mërkurës, ku Anglia do të përballet me Argjentinën.
