Lajm i mirë për Real Madridin. Thibaut Courtois ka arritur marrëveshje për rinovimin e kontratës me klubin madrilen.
Sipas Fabrizio Romano, portieri belg ka pranuar zgjatjen e kontratës dhe do të qëndrojë te Real Madrid deri në vitin 2027. Një vendim i rëndësishëm për “Los Blancos”, që pritet të kenë disa ndryshime gjatë merkatos së verës, por do të vazhdojnë të mbështeten te gardiani i tyre titullar.
Klubi madrilen planifikon gjithashtu të zhvillojë bisedime të tjera me Courtois pas përfundimit të merkatos, për të diskutuar mundësinë e një marrëveshjeje edhe më afatgjatë.
Ndërkohë, lojtarët e Real Madridit kanë shkruar histori edhe në Kupën e Botës. Futbollistët e klubit kanë shënuar së bashku 19 gola gjatë turneut, duke vendosur një rekord të ri absolut.
