Në Bashkinë e Kolonjës është denoncuar një skandal, ku stafi i bashkisë është shpallur i pastrehë, pavarësisht se disa prej tyre kanë pozita të rëndësishme.
Avokati Esmerald Xhafa ka publikuar dokumente që tregojnë se disa punonjës të bashkisë, përfshirë drejtorin e ujësjellësit Enea Jorgji dhe bashkëshorten e tij, si dhe drejtorin e pyjeve Petro Kristo dhe administratorin e njësisë Leskovik, Leonard Konica, janë shpallur si të pastrehë dhe kanë përfituar nga programet e strehimit social.
Kjo ka shkaktuar një reagim të fortë, me Xhafën që ka paralajmëruar kallëzim të ri në SPAK, për abuzimet me pushtetin. Kryebashkiaku Erion Isai, i cili është përfshirë në këto skandale, po hetohet gjithashtu nga Prokuroria e Posaçme për abuzime të tjera me fondet e rrugëve dhe ujësjellësit.
“Ky është turpi i rradhës. Të gjithë punonjësit e Bashkisë Kolonjë duke nisur nga Zv.Kryetari paskan qenë të pastrehë. Nisur nga ky turp dhe qokë e rradhës do nis kallëzim të ri në SPAK, i treti për këta abuzues të paskurupullt me pushtetin. Do vijë një ditë që do ti villni të gjitha, sa për Ilustrim.
Enea Jorgji – drejtor i ujësjellsit.
Bashkëshortja e Eneas është sekretare këshillit bashkiak.
Petro Kristo është drejtor pyjore,bashkëshortja punonjëse në Bashki.
Leonard Konica Administrator i Njësisë Administrative Leskovik.
Dhe gjithë të tjerët me rradhë”, shkruan Xhafa.
Dokumentat e publikuar!
