Kjo është makina Porsche Cayenne, e cila u përdor nga autorët e dyshuar të vrasjes së Lulzim Vishës më 24 janar në Kamëz.
Makina rezulton e vjedhur në Elbasan pak kohë më parë dhe për të ka pasur denoncim.
Grupi hetimor ka përfunduar këqyrjen, në përpjekje për të gjetur elementë prove që mund të çojnë në identifikimin e autorëve.
Lulzim Visha, 48 vjeç, ishte duke kryer detyrën e tij si postier kur u ekzekutua.
Në orët e para të mëngjesit të 24 janarit, 48 vjeçari Lulzim Visha është gjetur i vdekur në makinën i tij i vrarë me armë, në zonën e Zall Mnerit, në Dajt.
Ishte një nga banorët e zonës që pa trupin e pajetë dhe më pas njoftoi policinë. Lulzim Visha kishte dalë nga shtëpia për të shkuar në punë. Ai punonte postier dhe është qëlluar brenda automjetit të një poste private.
Dyshimet paraprake të policisë janë që 48-vjeçari të jetë nxjerrë në pritë. Banorët e zonës i thanë policisë se nuk kanë dëgjuar të shtëna, dhe kjo ka ngritur dyshimet se mund të jetë vrarë me pistoletë me silenciator.
Ndërkohë që në makinë janë gjetur mbi 12 gëzhoja pistolete.
Lidhur me ngjarjen është arrestuar Eduart Lami dhe është shpallur në kërkim kushëriri i tij, Ervis Lami.
Eduart Lami ka deklaruar para hetuesve se nuk ka pasur konflikt me familjen Visha.
