Ish-zëvendëskryeministri Arben Ahmetaj, në intervistën për emisionin “Çim Peka Live”, ka shprehur dyshime serioze se kreu i SPAK, Altin Dumani, ka qenë në dijeni të një plani për zhdukjen e tij. Sipas Ahmetajt, ky plan synonte që ai të mos dilte gjallë nga burgu në rast se arrestohej.
Ahmetaj tha: “Kam dyshime të forta që SPAK dhe Altin Dumani kanë qenë pjesë e planit për zhdukjen time, unë nuk do të dilja gjallë nga burgu. Këtë e di kushdo tani.”
Ai ka ripërsëritur akuzat ndaj qeverisë dhe Partisë Socialiste, por si në rastet e mëparshme, nuk ka paraqitur ndonjë dokument që të provonte përfshirjen e ish-bashkëpunëtorëve të tij në këtë çështje.
