Marrëveshja dypalëshe mes Shqipërisë dhe Italisë për strehimin e emigrantëve është aktivizuar përsëri, pas një ndërprerje mbi dy mujore.
Anija ushtarake italiane “Casiopea”, e nisur të premten nga ishulli Lampeduses, ka mbërritur këtë të martë në portin e Shëngjinit.
Në bordin e anijes ndodhen 49 emigrantë të paligjshëm me Kombësi nga Egjipti, Bangladeshi, Bregu i Fildishtë si dhe nga Gambia.
Anija ushtarake “Casiopea” ishte parashikuar të mbërrinte në ujerat shqiptare mëngjesin e së hënës së 27 janarit, por për shkak të një defekti që pësoi, anija shtyu lundrimin e saj për të martën e 28 janarit.
Ky është kontingjenti i tretë i emigrantëve të paligjshëm që mbërritën në Shqipëri.
Më 16 Tetor dhe 8 nëntor 2024 anija luftarake “Libara” solli në Shqipëri dy kontingjentë me 24 emigrantë, kryesisht nga Egjipti dhe Bangladeshi të cilët pas vendimit të gjykatës italiane, u rikthyen në vendet e origjinës, pasi këto dy shtete u cilësuan si vende të sigurta.
Mediat italiane raportuan pak ditë më parë se patrulluesi i marinës ushtarake italiane ndodhej në ujërat pranë Lampeduzës.
Më herët kryeministrja Giorga Meloni, deklaroi me vendosmëri se në janar do të rifillojnë operacionet me azilkërkuesit drejt Shëngjinit dhe Gjadrit, duke theksuar se modeli Italo-shqiptar do të funksionojë. Ashtu siç u paralajmërua, afër fundit të muajit ka rinisur transferimi i emigrantëve.
Kujtojmë se qeveria italiane u përball me një betejë ligjore duke bllokuar zbatimin e marrëveshjes, e madje duke kthyer emigrantët e parë të mbërritur në Shqipëri.
Dy gjykata në Itali vendosën dy muaj më parë vendosën të kundërshtojnë dekretin e qeverisë italiane lidhur me emigrantët, me anë të cilit u riklasifikuan vendet nga vijnë azilkërkuesit. Disa herë nuk u lejua nga gjykatat për të sjellë emigrantë në Shëngjin dhe Gjadër.
Deri sa Gjykata europiane e drejtësisë i dha të drejtë Melonit, që sipas marrëveshjes secili shtet duhet të ketë një listë të personalizuar të vendeve të sigurta dhe të pasigurta.
