Zlatan Ibrahimovic nuk mund të rrinte pa komentuar incidentin që ndodhi mes Sergio Conceicao-s dhe Davide Calabria në përfundim të ndeshjes Milan-Parma.
“Ajo që ndodhi mes Calabria dhe Conceicao, ishte një moment me plotë adrenalinë. Më ka ndodhur mua me mijëra herë brenda dhe jashtë fushës, kur kam qenë te Barcelona, Milan, PSG, United.
Është diçka normale. Të gjitha duan të fitojnë me çdo kusht. Kur më ndodhi mua, mbaj mend që Capello më tha: Mos u mërzit, është për të mirën e ekipit.
Edhe pse nga jashtë duket e tmerrshme ajo që ka ndodhur mes Conceicao-s dhe Calabria, por janë gjëra që ndodhin. Gjëja më e rëndësishme është se gjithçka u zgjidh më pas”, tha suedezi.
