Bursat amerikane të teknologjisë ranë ndjeshëm pas një përparimi të papritur nga kompania kineze e inteligjencës artificiale, DeepSeek.
DeepSeek, prezantoi një model të AI-së të ngjashëm me ChatGPT të quajtur R1, i cili ka të gjitha aftësitë e njohura të AI të famshme të OpenAI, Google dhe Meta.
Kompania tha se kishte shpenzuar vetëm 5.6 milionë dollarë për modelin e saj bazë, krahasuar me qindra milionë apo miliarda dollarë që kompanitë amerikane shpenzojnë për teknologjitë e tyre të inteligjencës artificiale.
Kjo shkaktoi valë tronditëse në tregun amerikan, veçanërisht në sektorin e teknologjisë. Bursa S&P 500 dhe Nasdaq, gjiganti i teknologjisë, ranë me 1.4% dhe 2.3%. Tregjet ishin dukshëm më të ulëta pas prezantimin te projektit kinez.
Meta javën e kaluar tha se do të shpenzonte mbi 65 miliardë dollarë këtë vit për zhvillimin e AI. Sam Altman, CEO i OpenAI, vitin e kaluar tha se industria e AI do të kishte nevojë për triliona dollarë investime për të mbështetur zhvillimin e çipave me kërkesë të nevojshme për të fuqizuar qendrat e të dhënave.
Marc Andreessen, një mbështetës i Presidentit Donald Trump dhe një nga investitorët kryesorë të teknologjisë në botë, e quajti DeepSeek një nga zbulimet më të mahnitshme dhe mbresëlënëse që kishte parë ndonjëherë, në një postim në X.
Arritja mahnitëse nga një sistem relativisht i panjohur i AI bëhet edhe më tronditëse kur merret parasysh se Shtetet e Bashkuara për vite kanë punuar për të kufizuar furnizimin e çipave të inteligjencës artificiale me fuqi të lartë në Kinë, për shkak të shqetësimeve rreth sigurisë kombëtare.
Kjo zvarriti tregun më të gjerë të aksioneve, sepse aksionet e teknologjisë përbëjnë një pjesë të konsiderueshme të tregut rreth 45%, sipas Keith Lerner, analist.
“Përfundimi është se performanca e lartë e SHBA-së është nxitur nga epërsia që kompanitë amerikane kanë në AI. Përdorimi i modelit DeepSeek po i shtyn investitorët të vënë në dyshim drejtimin që kanë kompanitë amerikane dhe sa po shpenzohen dhe nëse ato shpenzime do të çojnë në fitime”, tha Lerner.
