Senegali ka marrë një fitore të thellë 5-0 ndaj Irakut, duke mbajtur gjallë shpresat për t’u kualifikuar si një nga vendet e treta më të mira në Kupën e Botës.
Skuadra e Pape Thiaw e nisi ndeshjen në mënyrën më të mirë, duke kaluar në avantazh që në minutën e tretë. Abdoulaye Seck provoi pas një goditjeje nga këndi të ekzekutuar nga Lamine Camara, ndërsa topi u devijua nga Diarra dhe përfundoi në rrjetë.
Momenti që ndryshoi plotësisht ndeshjen erdhi në minutën e 12-të, kur Sulaka u ndëshkua me karton të kuq dhe la Irakun me dhjetë lojtarë për pjesën e mbetur të takimit.
Pas këtij episodi, Senegali mori kontrollin e plotë të lojës. Në pjesën e parë afrikanët krijuan disa raste me Mané dhe Jakobs, por nuk arritën ta thellonin rezultatin.
Në pjesën e dytë, Senegali rriti ritmin dhe gjeti më shumë vazhdimësi në sulm. Ismaïla Sarr, Pape Gueye me dy gola dhe Iliman Ndiaye kompletuan fitoren e madhe, që mund të kishte qenë edhe më e thellë nëse do të shfrytëzoheshin rastet e tjera në fund.
Iraku rezistoi për aq sa mundi, me portierin Hassan që bëri disa ndërhyrje të mira, por në fund nuk arriti t’i përballonte ritmin dhe presionin e Senegalit.
Me këtë humbje, Iraku i jep lamtumirën Kupës së Botës, ndërsa Senegali pret rezultatet e grupeve të tjera për të parë nëse do të vazhdojë më tej si një nga vendet e treta më të mira.
