Como ka marrë vendimin përfundimtar për të mbajtur Nico Paz në skuadër. Sipas Fabrizio Romano, klubi italian ka arritur marrëveshje me Real Madrid për blerjen e përhershme të mesfushorit 21-vjeçar.
Detajet e plota të operacionit nuk janë bërë ende publike, por më herët ishte raportuar se Real Madrid kërkonte të paktën 60 milionë euro për kartonin e lojtarit.
Nico Paz ishte transferuar te Como nga Real Madrid në vitin 2024 për 6 milionë euro, ndërsa pas një sezoni shumë të mirë, madrilenët vendosën të aktivizonin klauzolën e riblerjes për 7 milionë euro.
Megjithatë, Como ka lëvizur për ta mbajtur lojtarin në Itali dhe tashmë pritet vetëm zyrtarizimi i marrëveshjes.
Gjatë sezonit 2025/26, Nico Paz zhvilloi 40 ndeshje me Comon, duke shënuar 13 gola dhe dhënë 8 asistime. Sipas Transfermarkt, vlera e tij aktuale në treg është 80 milionë euro.
