Manchester City është pranë mbylljes së një prej transferimeve më të mëdha të merkatos në futbollin anglez. Sipas Fabrizio Romano, kampionët anglezë kanë arritur një marrëveshje paraprake për transferimin e Elliot Anderson nga Nottingham Forest.
Negociatat kanë avancuar me shpejtësi gjatë javës së fundit, ndërsa vetë lojtari ka kërkuar nga drejtuesit e Forest që ta lejojnë të transferohet në Manchester.
Operacioni pritet të kapë vlerën totale prej 130 milionë paund, duke përfshirë edhe bonuset. Mesfushori anglez do t’i nënshtrohet vizitave mjekësore në SHBA, ku ndodhet aktualisht me kombëtaren e Anglisë.
Anderson ka zhvilluar një sezon të rëndësishëm me Nottingham Forest, me 50 paraqitje në të gjitha kompeticionet, 5 gola dhe 4 asistime. Transfermarkt e vlerëson lojtarin në 75 milionë euro, por Manchester City ka vendosur të bëjë një investim shumë më të madh për ta siguruar.
