Në rrugën “Hodo Beg” në Tiranë është regjistruar një konflikt me pasoja fizike, i dyshuar se ka ndodhur për motive të dobëta.
Sipas të dhënave paraprake, gjatë përplasjes janë dëmtuar dy shtetas: D. A., rreth 41 vjeç, i cili dyshohet se është goditur me mjet prerës, si dhe J. G., rreth 61 vjeç, i cili është goditur me grushte.
Autori i dyshuar i ngjarjes është shtetasi E. J., rreth 32 vjeç, i cili është larguar menjëherë nga vendngjarja pas konfliktit. Policia bën me dije se po vijon punën për lokalizimin dhe kapjen e tij.
Të dy të dëmtuarit janë transportuar në spital dhe ndodhen jashtë rrezikut për jetën.
Ndërkohë, grupi hetimor po vijon veprimet për sqarimin e plotë të rrethanave dhe dokumentimin ligjor të ngjarjes.
