Belgjika dhe Egjipti e nisën Botërorin 2026 me një barazim 1-1 në Grupin G, në një ndeshje të hapur dhe me raste nga të dyja skuadrat.
Egjipti kaloi i pari në avantazh me një supergol të Emam Ashour. Mesfushori mori një pasim nga Mohamed Salah në hyrje të zonës dhe lëshoi një goditje të fortë me të djathtën, duke mposhtur Thibaut Courtois, i cili nuk pati mundësi reagimi.
Skuadra afrikane u mbrojt mirë dhe rrezikoi vazhdimisht me kundërsulme, ndërsa Belgjika vuajti për të krijuar raste të pastra në pjesën e parë.
Ndeshja ndryshoi pas hyrjes së Romelu Lukakut në minutën e 66-të. Sulmuesi belg solli menjëherë peshë në zonë dhe, pas një krosimi të Meunier, Mohamed Hany e dërgoi topin në portën e tij, duke barazuar shifrat në 1-1.
Pas golit, Egjipti ra fizikisht, ndërsa Belgjika kërkoi përmbysjen, por nuk arriti të gjente golin e fitores.
Në fund, dy skuadrat ndanë nga një pikë në debutimin e tyre në Grupin G, në një nga ndeshjet më të luftuara të këtij Botërori.
