Bayern Munich është shumë pranë transferimit të parë të merkatos së verës. Klubi bavarez ka arritur marrëveshje me PSV për mesfushorin maroken Ismael Saibari.
Sipas Fabrizio Romanos, Bayern do të paguajë rreth 55 milionë euro për 25-vjeçarin, ndërsa lojtari pritet t’i nënshtrohet vizitave mjekësore në SHBA, ku ndodhet aktualisht me kombëtaren e Marokut.
PSV pritet të përfitojë një shumë të rëndësishme nga ky transferim, pas një sezoni shumë të mirë të Saibarit në Holandë. Mesfushori ka zhvilluar 37 ndeshje këtë sezon, duke shënuar 19 gola dhe duke dhënë 9 asistime.
Vlera e tij në treg, sipas Transfermarkt, është rreth 40 milionë euro, por Bayern ka vendosur të bëjë një investim të madh për ta sjellë në Mynih.
Nëse gjithçka mbyllet pas vizitave mjekësore, Saibari do të bëhet përforcimi i parë i madh i Bayernit në këtë merkato vere.
