Rëndimi i situatës epidemiologjike ka shtuar dhe fluksin e pacientëve në spitalin universitar “Shefqet Ndroqi” në kryeqytet.
Sipas drejtoreshës Silvana Bala, numri i urgjencave që paraqiten në spital është rritur, ndërsa mesatarisht 14 pacientë në ditë shtrohen për mjekim më të specializuar në Sanatorium.
“Flasim për një numër të rritjeve të rasteve në urgjencën e spitalit tonë, janë në ditë me një mesatare 50-60 raste, dhe shtrimet qëndrojnë në një shifër mesatare tek 14 raste në ditë, shtrime.”
Komplikacionet më të renda Virozat i shfaqin në moshat e treta, qe shpesh kane sëmundjet shoqëruese, por specialistët nuk përjashtojnë edhe adoleshentët që po paraqiten nw Sanatorium me komplikacione të rënda si infeksione në rrugët e frymëmarrjes apo me prekje të mushkërive.
“Theksoj këtë për faktin se kjo është trendi i moshës që paraqitet tek ne, janë mosha mbi 60 vjeç, të sëmurë kardiak, të sëmurë me anemi, me sëmundje malinje e respiratore, ku gripi i rëndon duke u vendos onfeksione respiratore, duke u vendos pamjaftueshmëri në frymëmarrje. Pikërisht kjo lloj ankses është shkaku që e shtojn fluksin e rasteve në urgjencën tonë, “Shefqet Ndroqi”.”
Deri më tani nuk raportohet për humbje jete nga gripi apo virozat, e megjithatë mjekët u kërkojnë qytetarëve të mos neglizhojnë simptomat e gjendjes gripale, të cilat mund të rëndojnë gjendjen e pacientit nëse nuk trajtohet siç duhet.
