Shikoni videon e rrëmbimit KËTU!
Një situatë e tensionuar po ndodh sot në zonën e Zvërnecit, ku banorët e zonës janë ngritur më protestë për të kundërshtuar rrethimin e pronave të tyre me tela me gjemba dhe rrjetë, për një investim privat që do të bëhet atje.
Banorët e kanë konsuderuar grabitje dhe rrëmbim të tokave këtë që po ndodh, prandaj këtë të shtunë njoftuan një protestë.
Bëhet e ditur se punonjës të Policisë së Shtetit por dhe të një policie private shkuan në zonë që herët në mëngjes, përpara se protestuesit të kishin mbërritur.
Në momentin që protestuesit shkuan, e gjithë zona ishte rrethuar nga policia.
Pak më parë publikuam pamjet se si një qytetar tërhiqej zvarrë përtokë nga persona të maskuar dhe të paidentifikuar, që dyshohet se janë punonjës së policisë private.
Ngjarja ka ndodhur në sy të Policisë së Shtetit e cila ishte në zonë, por asnjë punonjës policie nuk reagoi përballë asaj që po shikonin me sy.
Videoja është bërë tepër virale në rrjetet sociale, duke shkaktuar reagime të shumta.
Megjithatë Policia e Shtetit nuk ka dalë ende në një deklaratë publike për të sqaruar se çfarë po ndodh në Zvërnec, dhe pse punonjësit e saj nuk reaguan përballë një situate kur një qytetar po tërhiqej zvarrë.
Mbetet për t’u parë nëse do të ketë një ragim për të sqaruar publikun mbi masat e marra për këtë rast.
