Edi Rama vijon turin e 35-vjetorit të Partisë Socialiste, teksa këtë të enjte u ndal në Korçë nga ku paralajmëroi se Partia Socialiste, sipas tij, do të arrijë një fitore të jashtëzakonshme në zgjedhjet lokale të vitit të ardhshëm.
“Nëse shiu filloi duke dëgjuar se çfarë ishte Shqipëria, le të vazhdojë si bereqeti që do të kemi dhe le të bjerë mbi këtë festë të 35-vjetorit të Partisë Socialiste edhe këtu në Korçë, duke paralajmëruar një fitore të jashtëzakonshme, si ajo që ne do të realizojmë të gjithë së bashku në zgjedhjet e vitit të ardhshëm.”
Në retrospektivë, ai u ndal te zgjedhjet e 26 majit 1996, duke deklaruar se ato zgjedhje u vodhën nga Partia Demokratike, e cila në atë kohë ishte në pushtet. Ai tha se në atë periudhë opozita shtypej dhe dhunohej, ndërsa sipas tij ekzistonte vetëm një media opozitare.
Sipas tij, Partia Socialiste është forca politike që, gjatë 35 viteve, ka pasur një marrëdhënie të drejtë si me interesin kombëtar, ashtu edhe me të shkuarën dhe me botën.
