Mbyllet procesi i votimit për zgjedhjen e kryetarit në Partinë Demokratike, në garën me vetëm një kandidat, Sali Berishën.
Në orën 19:00 përfundoi edhe orari i deklaruar zyrtarisht nga selia blu, pas shtyrjes me një orë të procesit (duhet të mbyllej më 18:00).
Procesi nisi në orën 08.00 të mëngjesit, me hapjen e 87 qendrave në të gjitha degët e PD-së në vend.
Në garë është vetëm kryetari aktual Sali Berisha, i cili e ka cilësuar procesin e 23 majit si një “referendum” për drejtimin e partisë.
Në votime u thirrën 51737 anëtarë të PD, ndërsa selia blu pritet të deklarojë zyrtarisht shifrat e pjesëmarrjes dhe rezultatet e numërimeve.
Ndryshe nga proceset e mëparshme zgjedhore brenda partisë, këtë herë votat do të numërohen në qendrat ku është votuar dhe jo në selinë qendrore të PD-së.
Gjatë periudhës parazgjedhore, Komisioni i Zgjedhjeve në PD përjashtoi kandidatët që kërkuan të hynin në garë përballë Berishës, duke lënë në fletën e votimit vetëm.
Mes të përjashtuarve ka qenë edhe ish-deputeti Ervin Salianji, që e cilësoi procesin si “farsë”.
Ndërkohë që kanë dalë edhe rezultatet për disa nga degët ku ka përfunduar numërimi.
Në PD, dega Sarandë:
-229 votues
-181 pro
-40 kundër
-3 abstenim
-5 të pavlefshme
Dega Gjirokastër, rezultatet:
-Total në lista 1989
-Votuar 291
-Pro 270
-Kundër 11
-Abstenim 5
-Pavlefshëm 5
Mbyllet numërimi në Maliq:
-724 pro
-7 kundër
-4 të pavlefshme
Mbyllet numërimi për Pustecin:
-15 votues nga 66 aktivë
-13 PRO
-1 abstenim
-1 e pavlefshme
Mbyllet numërimi në Kolonjë:
-213 pro
-4 abstenim
Mbyllet numërimi në Korçë
-392 pro
-18 kundër
-7 abstenim
-18 të pavlefshme
