Një ngjarje e rëndë është regjistruar në orët e mbrëmjes në paraburgimin e Vlorës, ku një i paraburgosur ka rënë preh e dhunës fizike në qeli.
Eduard Alikaj ndodhej në pritje të ekstradimit, kur u konfliktua me të paraburgosurit e tjerë.
Sipas raportimeve, ngjarja ka nisur fillimisht si një konflikt verbal mes të paraburgosurve, i cili më pas ka degraduar në dhunë fizike. Dyshohet se Alikaj është goditur nga pesë persona të tjerë të paraburgosur.
Mësohet se Eduard Alikaj vijon të ndodhet në paraburgimin e Vlorës, ndërsa pesë personat e përfshirë në konflikt pritet të transferohen.
Rrethanat e plota të incidentit mbeten ende të paqarta, ndërsa pritet edhe reagimi zyrtar i autoriteteve për ngjarjen.
