Gjykata e Posaçme shpall vendimin për ish kryetaren e komanduar të Bashkisë Tropojë Zyra Islamaj dhe për ndërtuesin Rrok Gega, të cilët u gjykuan për veprat penale “korrupsion pasiv” dhe “korrupsion aktiv”.
GJKKO vendosi që Zyra Islamaj dënohet me 2 vite e 1 muaj burg, konvertohet në 2 vite shërbim prove.
Me kusht të mos kryerje vepër tjetër penale. Gjithashtu GJKKO vendosi që t’i hiqet e drejtë për te ushtruar funksione publike për një periudhë 5 vjeçare.
Gjykata dënon me 6 muaj burg Rrok Gegën, vihet në provë për një periudhë 1-vjeçare.
Kujtojmë se Islamaj u gjet fajtore për veprën penale “korrupsion pasiv i personave qe ushtrojnë funksione publike”, ndërsa Rrok Gega për “korrupsion aktiv”.
Bëhet fjalë për një tender për ndërtimin e një ure në fshatin Luzhë të Tropojës, ku ish kryebashkiakja e komanduar kishte interesa personale. Zyra Islamaj sipas SPAK ka abuzuar me detyrën, duke favorizuar familjarët e saj për ndërtimin e një ure.
