Lajm shumë i keq për Fermín López. Barcelona ka konfirmuar se mesfushori ka pësuar frakturë në metatarsin e pestë të këmbës së djathtë gjatë ndeshjes ndaj Betis.
Pas shqetësimeve që ndjeu në pjesën e parë, Fermín nuk u rikthye në fushë pas pushimit. Fillimisht, stafi mjekësor kishte dyshime për një dëmtim më të lehtë, që mund ta mbante jashtë për rreth dy javë, pa i rrezikuar pjesëmarrjen në Botëror.
Megjithatë, rezonanca magnetike konfirmoi skenarin më të keq: frakturë në gishtin e vogël të këmbës së djathtë. Lojtari do t’i nënshtrohet ndërhyrjes kirurgjikale dhe pritet të qëndrojë jashtë për rreth dy muaj.
Ky dëmtim e përjashton praktikisht nga Botërori dhe përbën një humbje të rëndësishme për Luis de la Fuente, i cili e konsideronte Fermín një nga lojtarët e rëndësishëm të skuadrës.
Në orët në vijim pritet të bëhet e ditur data e operacionit dhe mjeku që do ta kryejë ndërhyrjen.
