Një ngjarje e rëndë është regjistruar në në Universitetin e Atikës Perëndimore, vetëm disa orë para zgjedhjeve studentore dhe incidenteve të dhunshme të regjistruara jo më larg se mëngjesi i sotëm në Univeristein Aristoteli të Selanikut.
Duket se “skenari” është përsëritur, pasi një tjetër sulm i dhunshëm ka rezultuar në plagosjen e tre personave dhe arrestimin e tetë të dyshuarve. Bazuar në raportimin e “Protothema.gr”, sipas informacioneve fillestare, rreth orës 16:33 u raportua për një grup prej rreth 7-10 persona, të cilët mbartnin helmeta, thika dhe çekiçë, hynë në Universitetin e Atikës Perëndimore përmes portës së poshtme dhe u zhvendosën drejt sallës K4.
Ndërkohë një tjetër grup me helmeta dhe doreza por pa sende të mprehta ishin pozicionuar në një zinë pas universitetit. Vetëm pak minuta më vonë u raportua për një studnet të PADA-s i cili ishte plagosur në kokë.
Menjëherë në vendngjarje kanë mbërritur Forcat e Veprimit të Menjëhershëm dhe OPKE, të cilët arritën të gjenin 8 persona jashtë universitetit, në rrugën Dimitsanas 35, të cilët u shoqëruan për në komisariat.
Përballë vendit të ngjarjes, në një mensë ngjitur, u gjetën dy studentë të plagosur lehtë, të cilët deklaruan se ishin sulmuar nga persona që kishin hyrë në universitet. Të plagosurit u transportuan me ambulancë EKAB në Spitalin Thriasio për ndihmën e parë.
Autoritetet greke janë edne duke vijuar punën për zbardhjen e plotë të ngjarjes.
