Arsenal po përballet me shqetësime të rëndësishme para ndeshjes së kthimit ndaj Atlético Madrid në gjysmëfinalen e Champions League.
Në seancën e fundit stërvitore para përballjes në “Emirates Stadium”, Martin Odegaard, Kai Havertz dhe Jurrien Timber nuk u stërvitën me pjesën tjetër të skuadrës. Pjesëmarrja e tyre në ndeshjen ndaj ekipit të Diego Simeone duket shumë e vështirë, në pritje të konferencës për shtyp të Mikel Arteta.
Odegaard ishte titullar në ndeshjen e parë në “Metropolitano”, por u zëvendësua pak minuta pas nisjes së pjesës së dytë. Ndërkohë, Havertz u dëmtua në kampionat para takimit të parë ndaj Atlético Madrid.
Në mungesë të gjermanit, pritet që Viktor Gyökeres të udhëheqë sërish sulmin e Arsenal. Suedezi vjen pas një paraqitjeje të mirë në Premier League, ku shënoi dy gola gjatë fundjavës.
Lajmi pozitiv për Arteta është se Bukayo Saka është stërvitur normalisht. Anglezi u rikthye si titullar ndaj Fulham pas më shumë se një muaji mungesë dhe shkëlqeu me një gol dhe një asist në 45 minutat që luajti.
Mungesa e vetme e konfirmuar deri tani është Mikel Merino, ndërsa për të tjerët vendimi përfundimtar pritet të merret para ndeshjes.
