Është përfshirë nga zjarri që prej mesditës vend depozitimi i mbetjeve në lagjen “28 Nëntori” në Lushnjë.
Mësohet se e gjithë zona në këtë lagje është mbuluar nga tymi dhe është kthyer në një shqetësim serioz për banorët.
Kjo situatë është e përsëritur, teksa është denoncuar disa herë edhe për faktin se kjo vendndodhje është e miratuar për depozitim mbetjesh inerte.
Zjarrfikësit po punojnë për shuarjen e flakëve, por sipas Shkëlqim Klogjerit, përgjegjës i zjarrfikësve në Lushnjë, zjarri pritet të vijojë edhe disa orë.
Situata përsëritet në mënyrë konstante pasi djegia e mbeturinave i mundëson ndërmarrjeve të bashkisë të sjellin të tjera dhe të mos i çojnë në incenerator të cilët nuk punojnë.
