40 mijë lekë të reja do të jetë bonusi i qirasë për familjet e prekura nga zjarri i cili përfshiu pallatin e “Arlis”, një javë më parë. Ndërkohë nesër në orën 16:00 pritet që të mblidhet Këshilli Bshkiak i Tiranës për miratimin e këtij vendimi.
Kjo ndihmë fiananciare ka për qëllim, sigurimin e jetesës përkohësisht të individëve apo familjeve, banesat e të cilëve u dëmtuan gjatë zjarrit. Kujtojmë se më herët ka qënë vet kryeministri Edi Rama ai i cili është shprehur se të gjitha dëmet në banesat në pallatin te kompleksi “Arlis” do të rikonstruktohen nga vetë ndërtuesi.
Individët e prekur do të duhet të plotësojnë dhe depozitojnë pranë Njësisë Administrative dokumentet:
– Dokument identifikimi i aplikuesit dhe dokumentacion që vërteton të drejtën e pronësisë mbi objektin e dëmtuar;
– Certifikatë familjare;
– Deklaratë për vërtetësinë e të dhënave, sipas aneksit nr. 1, bashkëlidhur këtij vendimi;
-Vërtetim nga Agjencia Shtetërore e Kadastrës, nga i cili rezulton se anëtarët madhorë nuk zotërojnë banesë tjetër në njësinë e vetëqeverisjes vendore ku ka ndodhur fatkeqësia. Përjashtimisht nga ky kriter janë individët/familjet që kanë më shumë se një pronësi në godinën objekt të këtij vendimi;
– Vërtetim për llogarinë bankare.
Kujtojmë se një javë më parë zjarri masiv i rënë të pallati i kompleksit “Arlis”, shkaktoi dëme të konsiderueshme në kompleks, duke përfshirë rreth 30 banesa të prekura nga flakët.
