Një ngjarje e rëndë ka tronditur SHBA-në këtë të diel, ku një person i armatosur në Luiziana vrau tetë fëmijë në të shtëna me armë në shtëpi të ndryshme.
Viktimat janë të moshës nga një deri në rreth 14 vjeç. Një total prej 10 personash ishin të qëlluar me armë, ndërsa personi i armatosur vdiq më vonë pas një ndjekjeje me oficerët të cilët qëlluan ndaj të dyshuarit.
I dyshuari vodhi një makinë ndërsa largohej nga vendi i ngjarjes dhe u ndoq nga policia, sipas Smith.
Zyrtarët thanë se po mblidhnin ende detaje rreth vendit të ngjarjes, i cili shtrihej në tre vende. Disa nga fëmijët e qëlluar kishin lidhje me të dyshuarin.
“Kjo është një skenë e gjerë, ndryshe nga çdo gjë që shumica prej nesh kanë parë ndonjëherë”, tha Smith, shefi i policisë së Shreveport.
Policia Shtetërore e Luizianës deklaron se detektivëve të saj u është kërkuar nga policia e Shreveportit të hetojnë. Në një deklaratë, policia shtetërore thotë se asnjë oficer nuk u lëndua në të shtënat që përfshinin një oficer pas një ndjekjeje policore në qytetin Bossier të dielën në mëngjes.
Policia shtetërore po u kërkon kujtdo që ka fotografi, video ose informacion t’i ndajë ato me detektivët e policisë shtetërore.
