Sot shënohet 27-vjetori i eksodit të shqiptarëve të Kosovës, një nga ngjarjet më të dhimbshme dhe më të mëdha humanitare në historinë moderne të rajonit.
Në pranverën e vitit 1999, qindra mijëra qytetarë u detyruan të largohen nga shtëpitë e tyre si pasojë e dhunës, spastrimit etnik dhe operacioneve ushtarake të regjimit serb të asaj kohe.
Brenda pak javësh, mbi 800 mijë qytetarë u dëbuan drejt vendeve fqinje, kryesisht në vendin tone, në Maqedoninë e Veriut dhe Malin e Zi, duke krijuar një krizë të paprecedentë humanitare. Familje të tëra u ndanë, ndërsa mijëra të tjerë humbën jetën apo mbeten ende të zhdukur.
Në këtë përvjetor, në Kosovë dhe Shqipëri janë zhvilluar aktivitete përkujtimore, homazhe dhe ekspozita që risjellin në kujtesë vuajtjet, por edhe qëndresën e popullit shqiptar.
Autoritetet shtetërore dhe përfaqësues ndërkombëtarë kanë theksuar rëndësinë e ruajtjes së kujtesës historike dhe të drejtësisë për viktimat.
27 vite më pas, Eksodi i shqiptarëve të Kosovës mbetet një plagë e hapur, por edhe një simbol i qëndresës dhe shpresës për një të ardhme më të sigurt dhe më të drejtë.
