Pas gjashtë ndeshjesh radhazi me fitore, Interi ndalet në Serie A dhe i jep një “asist” Napolit duke qenë se sfida e sotme ndaj Bologna-s ishte e prapambetur dhe për t’u luajtur pasi Interi ishte i impenjuar në Superkupën e Italisë.
Në San Siro vuloset një barazim 2-2 që lë shumë zhgënjim te zikaltërit duke qenë se e nisën keq duke pësuar gol nga Castro por reaguan që në pjesën e parë me Dufrimes dhe më pas me Lautaro Martinez, i rikthyer te goli në San Siro pas 2 muajsh e gjysmë mungesë.
Interi që u mundua të menaxhonte por Bologna pjesën e dytë rriti ‘xhirot e motorit” dhe me anë të Holm dhe një gabimi në mbrojtje nga Di Marco, që deri në atë moment kishte qenë ndër më të mirët në fushë me asist, i dha mundësi miqve të gjenin barazimin 2-2.
Me gjithë zëvendësimet e mundshme, Interi tentoi deri në fund por rasti më i mirë ishte për Taremin që nuk e shtyu dot në rrjetë, teksa edhe Thuram pati një shans të mirë. Ndeshje jo e mirë për Asllanin sakaq, që e nisi titullar. Shqiptari vuajti shumë ritmin e kundërshtarit dhe u zëvendësua në minutën e 70-të nga Davide Frattesi. Shumë nota negative edhe për të tjerët.
Pas javës 19-të, Interi ka 44 pikë, tri më pak se Napoli që është lider. Zikalterit kane nje ndeshje me pak, ate ne Firence ndaj Fiorentinas, ndërsa në javen e 20-të takohen me Empolin.
