Detaje të reja janë zbuluar lidhur me ngjarjen e rëndë të regjistruar ditën e sotme në fshatin Bulgarec të Korçës, ku 78-vjeçari Gëzim Vija u gjet pa shenja jete dhe me shenja dhune në trup, në ambientet e brendshme të shtëpisë së tij.
Ishin fqinjët ata që e gjetën të moshuarin pa shenja jete dhe më pas njoftuan policinë.
Jashtë kamerave, këta të fundit thonë se kanë parë dritaren e baneses së të moshuarit që ishte e thyer dhe kanë hyrë menjëherë brenda banesës, ku kanë gjetur këtë të fundit të vdekur.
Menjëherë është lajmëruar policia e Korçës, të cilët kanë bërë të mundur këqyrjen e trupit të të ndjerit, ku nga ekspertiza paraprake duken shenja dhune, nga të cilat mendohet të ketë ardhur vdekja e 78 vjeçarit.
Policia e Korçës po heton pistën e grabitjes, për shkak të dëmtimit të dritares dhe mungesës së një shume parash dhe orendish në banesë.
Pritet që trupi të dërgohet në morg ndërsa policia po kqyr kamerat përreth lagjes, për të mbledhur gjithë provat e mundshme
