Milani po mendon për një tjetër afrim me përvojë në merkato. Sipas raportimeve, klubi kuqezi ka vënë në shënjestër mbrojtësin e Liverpoolit, Andrew Robertson, me synimin për ta transferuar gjatë verës.
32-vjeçari pritet të largohet nga Liverpooli në fund të këtij sezoni si lojtar i lirë, çka e bën një mundësi shumë tërheqëse për Milanin. Përvoja, cilësia dhe vazhdimësia e tij në nivelet më të larta shihen si elementë që mund të forcojnë ndjeshëm skuadrën italiane.
Deri tani nuk ka bisedime zyrtare mes palëve, por vetë lojtari ka deklaruar më herët se dëshiron të vazhdojë të luajë për disa vite të tjera në nivelin më të lartë. Kjo e mban të hapur mundësinë e një aventure të re jashtë Anglisë.
Andrew Robertson iu bashkua Liverpoolit në vitin 2017 nga Hull City për 9 milionë euro. Që nga ajo kohë, ai ka zhvilluar 372 ndeshje me “The Reds”, duke shënuar 13 gola dhe duke dhënë 69 asistime, ndërsa është kthyer në një nga figurat më të rëndësishme të klubit. Kontrata e tij skadon këtë verë, ndërsa vlera e tij në treg vlerësohet rreth 10 milionë euro.
