Një orë para se të kryhej eutanazia, Carla Rodriguez, e cila tha se ishte shoqja më e ngushtë e Noelia Castillo Ramos, mbërriti në qendrën e kujdesit në Barcelone me shpresën për ta bindur të ndryshonte mendje.
Ajo kërkoi të hynte për ta takuar, por nuk u lejua nga personeli i sigurisë, pasi autoritetet kishin vendosur një perimetër sigurie për të penguar protestuesit dhe çdo ndërhyrje në procedurë.
E përlotur, Carla u shpreh për mediat spanjolle se donte vetëm t’i fliste edhe një herë mikeshës së saj dhe t’i tregonte për mbështetjen e madhe që kishte marrë në rrjetet sociale.
Ajo tregoi se kishin qenë shoqe që në fëmijëri dhe kishin ndjekur së bashku shkollën, por kontaktet mes tyre ishin ndërprerë pasi Noelia ishte transferuar në një tjetër qendër kujdesi.
Pasi nuk arriti ta takonte, Carla la një letër të shkruar me dorë për nënën e Noelias, ku kërkonte të shihte mikeshën e saj dhe ofronte mbështetje në këtë moment të vështirë.
