Një tanker nafte bruto e cila rezulton të jetë në pronësinë e një kompanie turke me seli në Stamboll është shënjestruar dhe sulmuar nga një dron mëngjesin e sotëm.
Bëhet fjalë për tankerin Altura, i operuar nga Pergamon Shipping, i cili mësohet e ishte nisur nga porti rus i Detit të Zi, Novorossiysk, për të transportuar afro 140,000 ton naftë.
Tankeri mësohet se është shënjestruar rreth orës 12:30 të natës si nga një mjet ajror pa pilot ashtu edhe nga një mjet sipërfaqësor pa pilot.
Anija, në pronësi të Pergamon Denizcilik Isletmeleri AS, është e listuar nën sanksionet e Bashkimit Evropian dhe e klasifikuar si pjesë e një “Flote në Hije” në MarineTraffic.
Për shkak të sulmit të ndodhur ndaj saj mësohet se janë shkaktuar dëme në pjesën e sipërme të anijes dhe në dhomën e motorëve të saj.
Në vendngjarje u dërguan menjëherë anije shpëtimi numër 11 dhe 12 nga Drejtoria e Përgjithshme e Sigurisë Bregdetare Turke, së bashku me anijen e shpejtë Siguria Bregdetare 5.
